Presidenti i Këshillit Evropian, Donald Tusk u shpreh sot se BE-ja duhet të mbajë të hapur mundësinë e vendosjes së sanksioneve ndaj Rusisë në lidhje me ofensivën e saj në Siri nëse bombardimet ndaj civilëve do të vijojnë me të njëjtin intensitet.
”BE-ja duhet të mbajë të hapura të gjitha mundësitë, duke përfshirë sanksione, nëse do të vijojnë të shënohen krime të mëtejshme”, u shpreh Tusk në nisje të samitit të 28 liderve të Bashkimit Evropian, duke iu referuar sulmeve ajrore mbi popullsinë civile dhe qendrat spitalore në Alepo.