Vlatko V. (51) nga Mali i Zi që pak ditë përpara sulmeve terroriste të Parisit, ishte kapur në magjistralen në afërsi të Mynihut me veturën të mbushur deng me artileri të rëndë është dënuar nga Gjykata e Mynihut, njofton Der Spiegel. Ai udhëtonte drejt Parisit, ku sipas të gjitha dyshimeve do ua shiste armatimin terroristëve të ISIS që shkaktuan 130 të vdekur në nëntor 2015, shkruan botasot.info.
Gjykata e ka dënuar për shkak të transportimit të armëve pa leje në territorin gjerman, pasi nuk arriti të vërtetojë se armët i transportonte te terroristët e ISIS. Për këtë procedim penal, trupi gjykues vendosi që ai të dënohet me katër vjet heqje lirie.
Në veturë ai dispononte kalashnikovë, mjete shpërthyese, granata dore. Shpesh mafia e Ballkanit është akuzuar se përmes qeverive të korruptuara kanë marrë një arsenal të madh armësh, që më pas ua shesin me çmime të leverdishme organizatave të ndryshme terroriste./Bota sot