Kryeministri rumun, Dacian Ciolos deklaroi sot, në takimin vjetor të diplomacisë rumune, se vendit të tij i ishte mohuar akcesi në zonën Schengen për arsye politike dhe kjo për më shumë se pesë vjet.
“Edhe në situata krize, reagimet tona në nivel të BE-së kanë qenë të heshtura dhe unë nuk mund të mos sjell në mendje rolin thelbësor që ka bashkëpunimi ndërkufitar, shkëmbimi i vazhdueshëm i të dhënave ndërmjet autoriteteve tona si dhe fakti që për më shumë se pesë vjet, Rumanisë i është mohuar akcesi në Schengen për arsye politike, të cilat personalisht i konsideroj të pavlera duke pasur parasysh realitetin me të cilin po përballemi të gjithë ne”, tha Ciolos.
Ai vuri në dukje se Rumania dhe qeveria që ai po drejton po reflektojnë seriozisht në të gjitha këto realitete.
“Pa asnjë hije dyshimi, Rumania pranon elasticitetin dhe kapacitetin e rigjenerimit të projektit evropian dhe është e vendosur për të investuar burimet e saj diplomatike dhe politike në këtë drejtim”, shtoi kryeministri rumun.
