Turqia ka hequr ndalimin për përdorimin e shamisë nga policet. Oficeret femra mund të përdorin shami, me kusht që ajo të jetë e thjeshtë dhe e së njëjtës ngjyrë me uniformen.
Ndalimet e shamisë në kampuset e universiteteve dhe institucioneve shtetërore me përjashtim të gjyqësorit, ushtrisë dhe policisë, gjithashtu janë çështje që janë ngritur gjatë viteve të fundit.
Veshja ka qenë një çështje e diskutueshnme në Turqi për vite me radhë. Sekularistët e konsiderojnë atë si një simbol i konservatorizmit fetar.
Që nga viti 1920, Turqia ka pasur kushtetutë laike, pa asnjë fe shtetërore.
Opozita e ka kritikuar presidentin Recep Tayyip Erdogan dhe sistemin e drejtësisë, duke thënë se ka rrënjë islamike, dhe se Partia e Zhvillimit (AKP), po përpiqet që të riinterpretojë laicizmin.
Megjithatë debati publik ka evoluar në atë mënyrë sa ka bërë të pranohet xhihabi, si një shprehje e lirive individuale thonë korrspodentët e BBC-së atje.
Ndërkohë askush në opozitë nuk është shprehur kundër kësaj lëvizje të fundit.
Erdogan ka përqafuar prej kohës të drejtën e turqve të shprehin besimet e tyre fetare në mënyrë të hapur, megjithëse ai thotë se është angazhuar për frymën e sekularizmit.
