Italia qendrore u godit në orët e parë të mëngjesit të sotëm nga një tërmet i fuqishëm, i cili la pas më shumë se 20 viktima dhe dëme të shumta materiale.
Zona më e goditur nga tërmeti 6.2 ballësh ishte Amatrice, e cila u rrafshua thuajse krejtësisht.
Kryebashkiaku, Stefano Petrucci, tha këtë mëngjes se qyteti i tij “nuk është më”.
Në fotot e publikuara nga mediat italiane duken se janë të pakta ndërtesat që kanë mbetur në këmbë, ndërsa qyteti të krijon përshtypjen e një zone lufte.