Ish ministri francez i ekonomisë Arnaud Montebourg ka bërë të ditur sot se do të kandidojë për president të Francës në zgjedhjet që do të mbahen në maj të vitit të ardhshëm, bëjnë të ditur agjencitë e lajmeve
Montebourg(53) është i treti nga ministrat e dikurshëm nga partia socialiste e Françoise Hollande që do të kandidojë për shef të shtetit, pasi që kandidaturat e tyre më herët i kanë paralajmëruar ish ministrja e Ekologjisë Cecile Duflot dhe ish ministri i Arsimit Benoit Hamon.
Hollande ende nuk ka deklaruar nëse e ka në plan të kandidojë përsëri për president, ndërsa Montebourg e ka ftuar atë që të mendojë mirë nëse do të kandidojë për t’u rizgjedhur.