Sulmi në Mynih, Policia kërkon ndihmën e qytetarëve

Evropë

Sulmi në Mynih, Policia kërkon ndihmën e qytetarëve

Më: 23 korrik 2016 Në ora: 11:03
Ilustrim

Autoritetet gjermane u kanë bërë thirrje qytetarëve që të depozitojnë nëpër stacionet policore çdo video, foto apo regjistrime audio që mund të kenë kapur gjatë sulmeve të një dite më parë në Mynih.

Thirrja është bërë për të mësuar më shumë rreth sulmit që u mori jetën 9 personave dhe plagosi 16 të tjerë.

Autori i sulmit dyshohet se është një 18-vjeçar iranian me shtetësi gjermane. Ai është gjetur i vdekur me një plumb në kokë dhe dyshohet se është vetëvrarë.

Autoritetet shpresojnë që pamjet filmike të qytetarëve t’i ndihmojnë për të zbardhur nëse në sulm ka pasur bashkëpunëtorë të tjerë të iranianit apo nëse bëhet fjalë për një sulm terrorist.

Forcat speciale në Mynih kanë bastisur apartamentin e 18-vjeçarit në Maxvorstadt të Mynihut dhe pasditen e së shtunës pritet që policia të japë më shumë detaje.

Sot mund të lexoni Shfletoni kopertinat