Ministri gjerman i Shëndetësisë, Jens Spahn tha se ishte kundër lehtësimit të masave kufizuese për njerëzit e vaksinuar kundër coronavirusit, i cili filloi dje në këtë vend.
Sipas planit kombëtar të vaksinimit të miratuar më 18 dhjetor, të parët në radhë për imunizimin janë personat mbi moshën 80 vjeçare dhe punonjësit e kujdesit shëndetësor për të moshuarit, si dhe personeli mjekësor nga departamenti i kujdesit intensiv dhe urgjencës, raporton zeitonline.
“Disa kanë përparësi në vaksinimin sepse nuk kemi mjaft për të gjithë. Ata që nuk janë vaksinuar mund të presin që ata që morën dozën të tregojnë solidaritet dhe nuk do të mendojnë se nuk do të duhet të mbajnë më maskë”, tha Spahn, sipas mediave gjermane.
Sipas tij, Gjermania deri më tani është përballur me një pandemi me solidaritet në shoqëri dhe në muajt në vijim do të bëjë të njëjtën gjë, derisa të gjithë të vaksinohen.
Në fillim të dhjetorit, Kancelarja gjermane Angela Merkel tha se autoritetet ranë dakord të shtrëngonin masat për shtypjen e coronavirusit para pushimeve të Krishtlindjeve deri më 10 janar.
