Kancelarja gjermane Angela Merkel deklaroi sot se krerët e BE ndoshta do të miratojnë kërkesën e Britanisë për një shtyrje tremujore të Brexit, me kusht që parlamenti britanik të mbështesë një marrëveshje të tillë me kryeministren Theresa May.
"Në parim, ne mund të pajtohemi me këtë dëshirë nëse marrim një rezultat pozitiv të një votimi mbi një marrëveshje në parlamentin britanik javën e ardhshme," tha Merkel në Bundestag përpara samitit të BE në Bruksel.
Kryeministrja May ka kërkuar më herët shtyrjen e Brexit deri në fund të qershorit.
