Kosova e Shqipëria plan për eliminimin e barrierave tregtare

Ekonomi

Kosova e Shqipëria plan për eliminimin e barrierave tregtare

Më: 21 maj 2015 Në ora: 16:30

Ministrja e Tregtisë dhe Industrisë, Hykmete Bajrami dhe homologu i saj shqiptar, Arben Ahmetaj janë pajtuar sot në Tiranë për nisjen e procedurave për lehtësimin e tregtisë dhe avancimin e projektit të përbashkët për eliminimin e barrierave tregtare jo-tarifore.

Lexojeni të plotë njoftimin

Sot në një takim zyrtar në Tiranë, kam takuar ministrin e Zhvillimit Ekonomik, Turizmit, Tregtisë dhe Sipërmarrjes z. Arben Ahmetaj. Takimi vjen pas Mbledhjes së Përbashkët të dy qeverive, e cila u zhvillua në Tiranë më 23 Mars 2015, gjatë së cilës të dy Ministrat firmosën edhe Protokollin “Për Zbatimin e Marrëveshjes Kuadër ndërmjet Këshillit të Ministrave të Republikës së Shqipërisë dhe Qeverisë së Republikës së Kosovës për Bashkëpunimin në Nxitjen dhe Lehtësimin e Tregtisë,” me qëllim heqjen e të gjitha barrierave jo-tarifore mes të dy vendeve dhe rritjen e shkëmbimeve tregtare.

Takimi i sotëm, kishte për qëllim diskutimin e çështjeve konkrete që lidhen me shkëmbimet tregtare mes Shqipërisë dhe Kosovës, problematikave, por edhe ofrimin e zgjidhjeve të shpejta në favor të mbrojtjes së interesave të kompanive shqiptare dhe kosovare, rritjes së vëllimit të shkëmbimeve dhe nxitjes së tregtisë.

Çështjet e diskutuara u fokusuan kryesisht në Marrëveshjen Kuadër të nënshkruar në mars, unifikimi i praktikave doganore (lehtësimin e procedurave për pajisjen e bizneseve me leje eksport/importi), njohja e certifikatës së origjinës së produkteve, vulave të cilësisë, çmimeve të referencës në mbrojtje të konkurrencës në treg, si dhe njehsimi në fushën e akreditimit, standardizimit dhe metrologjisë si dhe Në këtë kuadër znj. Bajrami kërkoi mbështetjen e palës shqiptare në bashkëpunim për zgjidhjen sa më të shpejtë të këtyre çështjeve që i sfidojnë bizneset gjatë tregtimit të produkteve të tyre.

Në fjalën e tij Ministri Ahmetaj theksoi se problemet me të cilat përballen sot kompanitë shqiptare dhe kosovare janë në fakt probleme tipologjike të cilat duhet të marrin zgjidhje një herë e mirë.

U dakorduam që të ngrihet një grup i përhershëm pune nga të dy ministritë përkatëse për të punuar në mënyrë konstante me të gjitha çështjet e lidhura me nxitjen dhe lehtësimin e tregtisë dhe avancimin e projektit të përbashkët për eliminimin e barrierave tregtare jo-tarifore.

Diskutuam edhe për organizimin e një panairi të përbashkët të tregtisë dhe e vlerësuan më shumë interes bashkëpunimin në fushën e turizmit, duke kombinuar turizmin malor të Kosovës më atë bregdetar që ofron Shqipëria, për t’i dhënë hov zhvillimit të këtij sektori në Shqipëri dhe Kosovë.

Më të lexuarat
Sot mund të lexoni Shfletoni kopertinat