Mospagesa e TVSH-së ka përplasur sot mes tyre punonjësit e tatimeve dhe tregtarët e Fierit.
Aksioni tatimor në rrugën e tregut të këtij qyteti, u shoqërua me debate të ashpra mes palëve.
Tregtarët kanë kundërshtuar sekuestrimin e mallit, pasi sipas tyre dyqanet i kanë me mall stok prej vitesh dhe nuk kanë marrë furnizim të ri, raporton Ora News.
Ata gjithashtu kanë pohuar se furnizohen në treg të lirë dhe nuk marrin fatura për të paguar TVSH-në.
Përkundër tensioneve, mësohet se tatimet kanë mbyllur rreth 20 dyqane të tregëtimit me shumicë dhe pakicë.
