Qeveria e Kosovës ka marr vendim për ndarjen e mbi 33 milionë eurove për mbulimin e minusit në paga për muajin 10 dhjetor të vitit 2014, për të gjithë shërbyesit civil dhe pensionistët.
Ministri i Financave, Avdulla Hoti, propozoj që këto mjete të shpërndahen brenda muajit për shkak edhe të afrimit të festave të fund vitit.
“Në departamentin për buxhet dhe financa ne i kemi bërë të gjitha rregullimet e nevojshme. Kjo shumë do të sigurohet 26.5 milionë nga kontigjenca për pagë në ministrin Financave, kursimet prej 5.2 milionë nga kontigjenca për energji dhe nga rezervat e paparashikuar merren 1.9 milion euro”.
“Është e nevojshme që ky vendim të mundësoj që pagat e të gjithë shërbyesve civilë, pensionet dhe gjitha përfitimet tjera të kryhen para festave”, tha Hoti.
Ministri i Financave po ashtu bërë të ditur se nga takimet që kanë zhvilluar me zyrtarë të Postës dhe Telekomit të Kosovës (PTK), Qeveria e Kosovës do përfitojë një shumë prej pesë milionë eurove që kjo kompani ndan si disidencë për qeverinë.
Në mbledhjen e Qeverisë së Kosovës, të mbajtur të premten po ashtu është marr vendim që të ndahen mbi 181 mijë euro për organizmin e zgjedhjeve të jashtëzakonshme në komunën Graçanicës.
Në mbledhjen qeverisë janë miratuar edhe disa projektligje si:
- Projektligji për mbikëqyrjen elektronike të personave, të cilëve u kufizohet lëvizja me Vendim të Gjykatës ose të panelit për lirim me kusht.
- Projektligji për ndryshimin dhe plotësimin e Ligjit nr.04/L-051 për parandalimin e konfliktit të interesit në ushtrimin funksionit publik.
- Projektligji për përgjimin e telekomunikimeve.
- Propozim- vendimi për ndarjen mjeteve financiare për Energji nga kategoria ekonomike subvencione.