Punimet në Autostradën Prishtinë – Hani i Elezit, ose “Rrugën 6” që do ta lidhë Kosovën dhe Maqedoninë, kanë filluar kohë më parë, por për punën e kryer ende asnjë cent nuk e ka marrë kompania “Bechtel&Enka”.
Arsyet nuk janë bërë të ditura nga Qeveria e Kosovës, por ministri i Financave, Besim Beqaj, ka sqaruar se Ministria e që ai udhëheq ende nuk ka pranuar asnjë faturë për punët e kryera.
Beqaj ka thënë se Ministria e Financave nuk është përgjegjëse për bartje të mjeteve, por sipas tij, Ministria e Infrastrukturës duhet të dorëzojë te ky dikaster faturën se çka është punuar.
