Në një aksion i përgjithshëm në të gjithë doganat e Shiqpërisë është zhvilluar mbrëmjen e djeshme, nga strukturat te specializuara të Drejtorisë së Përgjithshme të Doganave, së bashku me strukturat e Drejtorisë së Antikontrabandës.
Falë këtij aksioni është bërë i mundur zbulimi dhe sekuestrimi i një sërë mallrash kontrabandë që hynin në Shqipëri, në Doganën e Kapshticës, Doganën e Kakavijës, Doganën e Tiranës dhe Doganën e Vlorës.
Në degën e Doganës së Kapshticës është identifikuar dhe kapur një kamion i cili kalonte transit, me mallra kontrabandë, të cilat ishin lëndë e parë për të falsifikuar veshmbathje të markave të njohura. Mallrat e sekuestruar nga Drejtoria e Antikontrabandës janë:.
- 6000 stampa copë “ZARA”, “Dolce & Gabbana” dhe “Lacoste”;
- 4720 stampa letre “ZARA”, “Dolce & Gabbana” dhe “Lacoste”;
- 6000 stampa metalike “ZARA”, “Dolce & Gabbana” dhe “Lacoste”;
- 462 pjesë këmbimi makinash të markës “Bosch”;
Në Doganën e Kakavijës po mbrëmjen e djeshme në autobusat e linjës Greqi-Shqipëri, janë identifikuar dhe kapur gjithsej 432 artikuj kozmetike, të llojit shampo, parfume, deodorant, krem etj. Penaliteti për këto mallra kontrabandë i vendosur ndaj subjektit i cili po i transportonte ato në drejtim të Shqipërisë është 1.495.600 mijë lekë të reja.
Ndërkohë që në degën Doganore të Tiranës janë kapur dhe sekuestruar nga strukturat e Drejtorisë së Antikontrabandës një sasi e konsiderueshme veshmbathje, dhe mallra të tjera kontrabandë:
-2.2 ton veshmbathje dhe 812 copë produkte të markës Broën, të falsifikuar;
Për këto mallra, gjoba e vendosur ndaj subjektit Biz Al është 558.000
Në Portin e Vlorës është identifikuar gjithashtu një autobus i Agjencisë, Rex Tours Travel, me shofer me inicialet N. B, që vinte nga Italia në Shqipëri, i cili transportonte mallra kontrabandë. Pas kontrollit të ushtruar nga strukturat e Antikontrabandës janë gjetur si më poshtë:
-48 kg kafe e pjekur e markës “Gimoka”;
-28 thasë pleh kimik;
- 69.6 kg ilaç rrobash;
Subjekti të cilit i është sekuestruar kjo sasi e mallit kontrabandë është gjobitur me 113.325 lekë të reja.
