Të ardhurat nga turistët që vijnë në Shqipëri arritën në 400 milionë euro në gjashtëmujorin e parë të vitit, sipas Bankës së Shqipërisë.
Bëhet fjalë për një rritje prej 37%, krahasuar me të njëjtën periudhë të vitit 2013. Edhe shpenzimet e shqiptarëve jashtë kanë shënuar rritje me 20%, krahasuar me vitin 2013.
Ato kapin vlerën 555 milionë euro për gjashtëmujorin e parë të vitit.
Por, shpenzimet e shqiptarëve jashtë mbeten më të larta se të ardhurat që sjellin të huajt në Shqipëri, duke bërë që bilanci i udhëtimeve të mbetet negativ.
Megjithatë, ai është reduktuar në raport me gjashtëmujorin e parë 2013, kur ishte 67 milionë euro.
Në vitin 2013 nuk pati ardhje të mëdha turistësh, sepse ishte vit i zgjedhjeve, ndërkohë që ky vit sjell shenja të qarta përmirësimi në këtë sektor.
