Konfindustria i kërkon instititucioneve ekzekutive dhe vendimarrjes politike të jenë të kujdesshme për rritjen e çmimit të energjise, pavarësisht trysnisë së mundshme nga Fondi Monetar Ndërkombetar.
Në një deklaratë për shtyp, Konfindustria thotë se rritja e çmimit të energjisë elektrike, rrezikon të përkeqësojë edhe më shumë zhvillimin ekonomik të vendit dhe gjendjen financiare të operatorëve të prodhimit dhe shpërndarjes.
Sipas Konfindustrias, pasojat e rritjes së çmimit të energjisë, do të rrisë kostot e prodhimit dhe shërbimit për industritë vendore, duke ulur konkurueshmërinë në treg, me rrezik falimentimi.