Nga e enjtja në Gjakovë fillon aksioni për lirimin e hapësirave publike prej shitësve ambulantë.
Këtë aksion e kanë marr Komuna e Gjakovës në bashkëpunim me Policinë e Kosovës.
Komuna e Gjakovës njofton se ky aksion ndërmerret me qëllim që këmbësorëve tu sigurohet ecje më e lirë, sidomos në trotuare që zihen nga shitësit e produkteve verore.
“Ky aksion sidomos është më rëndësi edhe për krijimin e sigurisë së fëmijëve në trafik, të cilët nga java e ardhshme do të fillojnë procesin mësimor për vitin shkollor 2014/2015. Aksioni do të zgjasë deri në largimin e tërësishëm të shitësve ambulantë dhe lirimin e plotë të hapësirave publike”, thuhet në njoftimin e kësaj Komune.