ALUIZNI do të nisë përllogaritjen e çmimit të banesave që do të legalizohen menjëherë pas miratimit të hartës së re të vlerave të tokës. Megjithatë, në vendimin e miratuar prej qeverisë janë vendosur vlerat maksimale dhe ato minimale për sipërfaqet që do të përfshihen në legalizim. Pra edhe nëse çmimi për m2 në hartën e re do të jetë më i lartë nga sa parashikohet me formulën e re, ALUIZNI do të llogarisë çmimin në bazë të vlerës tavan. Po kështu do të veprohet dhe në rastin e çmimit minimal.
