Prodhuesit e qumështit e kanë anuluar protestën e paralajmëruar për sot para Agjencisë së Ushqimit dhe të Veterinarisë së Kosovës.
Nexhmi Hyseni duke u shprehur i pakënaqur me mosrealizimin e kërkesave të tyre dhe në mbrojtje të produkteve të tyre nga konkurrenca me produktet e importuara, ka thënë për transmetuesin publik se protesta do të mbahet javën tjetër pas Festës së Fitër Bajramit.
Sipas prodhuesve të qumështit, arsyeja e protestës vjen nga fakti se AUVK-u i ka ndërmarrë disa veprime shumë minore siç i ka quajtur ai, në krahasim me ato se çka janë duke u kërkuar.
