Banka Qendrore Europiane shpalli pas mbledhjes së vet për politikat monetare, se do të ruajë të pandryshuar në 0.15 % normën e interesit të rifinancimit.Presidenti i Bankës Qendrore Europiane Mario Draghi shpalli në një konferencë për shtyp se kjo bankë ka filluar përgatitjet për blerjen e obligacioneve të mbështetura te asetet dhe brenda kësaj kornize, BQE mund të blejë asete të siguruara.
"Shpresojmë që blerja e obligacioneve të tilla mund të shtojë mbështetjen për ekonominë reale, posaçërisht për ndërmarrjet e vogla dhe të mesme," deklaroi kreu i Bankës Qendrore Europiane.
Draghi u shpreh gjithashtu se Banka Qendrore Europiane do ta mbajë të ulët normën e interesit për një periudhë afatgjatë. "Nëse do të lindë nevoja për përballimin e inflacionit të ulët për një kohë të gjatë, Banka Qendrore Europiane do të marrë masa të jashtëzakonshme brenda mundësive të veta," theksoi Draghi.