Sfida të mëdha për ekonominë europiane

Ekonomi

Sfida të mëdha për ekonominë europiane

Më: 9 tetor 2012 Në ora: 18:46

Ekonomia europiane dhe ajo botërore do të vijojnë të përballen me sfida të mëdha për një kohë të gjatë. Politika duhet të vijojë të zbatojë masat e akorduara dhe duhet t’i përmbush me përgjegjësi. Është ky apeli i guvernatorit të BQE Mario Draghi drejtuar qeverive. Ai ka thënë se vetëm në këtë mënyrë mund të fitohet besimi i investitorëve. Draghi ka afirmuar se e ardhmja e Eurozonës do të ketë rreziqe dhe për të përballuar krizën dhe shpresuar tek rimëkëmbja është thelbësore të lehtësohen kushtet e kredititmit. Është e rëndësishme rivitalizimi i kërkesës për kredi, riaktivizimi i furnizimit me likuiditet ka deklaruar Draghi. Për presidentin e bankës qëndrore europiane parashikohen reduktime të tensioneve në tregjet financiare por aktiviteti financiar mbetet i cbalancuar në pjesë të ndryshme të sistemit.

Numri një i eurotower e ka vënë theksin tek kriza greke. Ai ka vlerësuar progreset e dukshme dhe domethënëse të Greqisë në procesin e reformave por ka sugjeruar se greqia duhet të bëjë më shumë. Për të dhënë një vlerësim përfundimtar Draghi ka thënë se duhet të presim raportin e Trojkës.

Programi për blerjen e bonove sovrane nga ana e institutit të Frankfurtit ka thënë Draghi përbën një rrjet mbrojtëse për Eurozonën që është plotësisht efikas për shmangien e skenarëve shkatërrues. Por ka specifikuar se ky program nuk do të kompesojë mungesën e konsolidimit fiskal. Gjatë fjalës së tij në parlamentin europian Draghi ka theksuar nevojën e aktivizimit të mekanizmit unik të supervizionit bankar në BE. Është shumë i rëndësishëm ka thënë ai që të hyjë në fuqi sikurse është parashikuar në fillim të muajit janar të vitit të ardhshëm.

Më të lexuarat
Sot mund të lexoni Shfletoni kopertinat