Gjiganti korean dhe botëror, kompania “Hyundai”, e interesuar për investime në Kosovë - Bota Sot
Gjiganti korean dhe botëror, kompania “Hyundai”, e interesuar për investime në Kosovë

Ekonomi

E shtunë, 18 gusht 2018

Gjiganti korean dhe botëror, kompania “Hyundai”, e interesuar për investime në Kosovë

Më: 25 maj 2018 Në ora: 15:54
Pamje nga takimi

Kryetari i Odës Ekonomike të Kosovës, Safet Gërxhaliu, së bashku me bashkëpunëtorët, priti në një takim miqësorë, përfaqësuesit e konglomeratit korean, Hyundai, të udhëhequr nga Junwon Song, drejtor i përgjithshëm në Hyundai Engineering and Construction.

Kryetari Gërxhaliu, theksoi rëndësinë e rritjes së bashkëpunimit reciprok në mes Koresë dhe Kosovës, sidomos në aspektin biznesor si dhe të promovojë mundësitë për investimeve të kompanive koreane në fushën e energjisë, minierave dhe teknologjisë informative.

“Përfaqësuesit e kompanisë Hyundai theksuan nevojën e rritjes së bashkëpunimit ekonomik në mes të të dyja vendeve dhe shprehen interesim specifik për të investuar në projektet e rëndësisë infrastrukturore dhe energjetike, përfshirë ndërtimin e Termocentralit “Kosova e Re” si dhe rehabilitimin e Termocentralit Kosova B, por edhe në projekte të rëndësishme të energjisë së ripërtritshme dhe të logjistikës”, thuhet në njoftimin e OEK-ut.

Shumë shpejt, nën organizimin e Odës Ekonomike të Kosovës, do të aranzhohen edhe misione tregtare për kompanitë kosovare në Korenë e Jugut dhe për kompanitë koreane në Kosovë, për të promovuar mundësitë për partneritete biznesore dhe bashkë-investime në shumë projekte të rëndësishme. Përvoja e kompanive koreane është e mirëseardhur për qëndrueshmërinë ekonomike të Kosovës, ambientalizmin, por edhe në fusha të tjera ku kompanitë jug-koreane janë brend botërore që me praninë e tyre në Kosovë do të ndikojnë në përmirësimin e imazhit të Kosovës.

Sot mund të lexoni Shfletoni kopertinat
Sondazh
test