Studimet e Bankës së Shqipërisë tregojnë se përmirësimet në prodhim dhe në tregun e punës gjatë viteve të fundit kanë sjellë rritje të treguesve ekonomik, që plotësojnë tablonë e ekuilibrave makroekonomikë.
Raporti i Stabilitetit Financiar që u publikua sot nga BSH-ja, citon se, në fund të tremujorit të katërt, norma vjetore e rritjes ekonomike shënoi vlerën 3.36%, me kontribut pozitiv nga degët e sektorëve të shërbimeve dhe prodhimit, ku veçohen kryesisht: “tregti, hotele dhe restorante”, “transport”, “ndërtim” dhe “industri, energji dhe ujë”.
Banka Qendrore vëren se edhe tregu i punës dha kontribut pozitiv në rritjen ekonomike të vendit.
Norma e papunësisë zbriti më tej, në nivelin 13.4%. Ndërsa politika monetare e Bankës së Shqipërisë mbeti akomoduese gjatë gjithë periudhës në kushtet kur presionet inflacioniste (çmimet e ushqimeve ) mbetën të moderuara.
