Kryeministri i vendit Isa Mustafa, mori pjesë në hapjen e Qendrës Tregtare ETC në Ferizaj, ku janë punësuar numër i konsiderueshëm i qytetarëve të Ferizajt.
Të pranishëm në këtë aktivitet ishin edhe zëvendëskryeministri Ramiz Kelmendi, kryetari i Ferizajt, Muharrem Svarça, përfaqësues të tjerë lokalë dhe qytetarë të shumtë.
Kreu i ezkekutivit vlerësoi lartë ndërtimin dhe hapjen e një objekti të tillë të madh dhe modern, i cili siç tha kryeministri, është i krahasueshëm dhe kalon standardet evropiane të objekteve të tilla tregtare.
“Është një shembull i mirë i bashkëpunimit dhe ndërlidhjes me të gjitha bizneset në Kosovë dhe bashkëpunimit tregtar me vendet në regjion dhe vendet e BE-së”, tha kryeministri, duke uruar ETC-në për punën shumë të madhe dhe kontributin e madh në zhvillimin ekonomik të vendit.
Muharrem Svarqa, kryetar i Ferizajt, ka vlerësuar lartë rëndësinë e inaugurimit të këtij objekti të rëndësishëm për zhvillimin ekonomik të Komunës së Ferizajt.
