Kryetari i Kuvendit të Republikës së Kosovës, Kadri Veseli, ka deklaruar se sëmundja gungore e lëkurës, që është shfaqur te gjedhet e fermerëve tanë, kërkon veprim të shpejtë për ta ndalur shpërndarjen e saj te gjedhet tjera.I pari i Kuvendit, gjatë vizitës së dy fermerëve në komunën e Kaçanikut, i ka siguruar ata se do ta gjejë formën e kompensimit për të gjithë të dëmtuarit.
“Në këtë gjendje të krijuar, rruga më e mirë është preventiva, respektimi i rekomandimeve te veterinerëve. Institucionet e Kosovës do të jenë gjithmonë përkrahë qytetarit punëtor”, ka shkruar Veseli në profilin e vet në “Facebook”.
