Plagosi prindërit me thikë, çfarë deklaroi në polici e dashura e 25 vjeçarit

Durrësi

Plagosi prindërit me thikë, çfarë deklaroi në polici e dashura e 25 vjeçarit

Më: 20 qershor 2018 Në ora: 21:51
Policia e Shtetit

Zbardhet dëshmia e parë të bashkëjetueses së 25-vjeçarit Hajri Neziri, i cili plagosi rëndë me thikë dy prindërit e tij.

Bashkëjetuesja e të riut ka thënë në polici se sherri i sotëm mes djalit dhe prindërve ka qenë vijim i disa konflikteve verbale të ndodhura më parë.

Ajo ka treguar se dy të rinjtë nuk punonin, ndërsa prindërit e djalit që ishin mësues në pension kërkonin që i biri i tyre të punonte dhe të mos jetonte në kurriz të dy të moshuarve. 

Gjithashtu, vajza ka pohuar se prindërit e djalit nuk ishin dakord për lidhjen e dy të rinjve, pasi ajo ishte nga Puka dhe të moshuarit nuk e aprovonin lidhjen e tyre, ben me dije Report.

Sipas saj, edhe sherri i sotëm ka pasur pikërisht këto dy shkaqe, papunësinë e dy të rinjve dhe lidhjen e tyre. 

Ndër të tjera, ajo ka sqaruar para policëve se është munduar të ndalojë 25-vjeçarin të mos qëllojë prindërit, por nuk ja ka dalë dot.

Menjëherë pas krimit, ajo ju ka thënë efektivëve se është larguar nga banesa së bashku me të dashurin e saj dhe kanë shkuar në Spitalin e Traumës në Tiranë, ku janë ndaluar nga blutë e kryeqytetit.

Sot mund të lexoni Shfletoni kopertinat