Ministri i Brendshëm, Fatmir Xhafaj ka përshëndetur aksionin e policisë në bashkëpunim me agjencitë e huaja ligjzbatuese, duke sekuestruat sasinë më të madhe të kokainës në portin e Durrësit.
“Një superaksion i Policisë së Shtetit në bashkëpunim me agjencitë e tjera ligjzbatuese vendase dhe të huaja. Goditje e fortë trafikut ndërkombëtar të drogës! Hetimi vazhdon! Forca e Ligjit, forca e shtetit po vepron. Pas pak detajet nga policia e shtetit në një konferencë për shtyp", thote Xhafaj.
Aksioni
Nga të dhënat e para mësohet se droga është gjetur e paketuar brenda një kamioni me banane që ka ardhur nga Bari për në Durrës.
Edhe pse ende nuk është asgjë zyrtare, besohet se sasia e drogës është 613 kg, sasi kjo më e madhja e kapur ndonjëherë nga policia shqiptare.
Zbulimi i drogës nuk ka qenë i rastësishëm, pasi policia shqiptare është sinjalizuar nga vendet partnere si dhe agjencisë amerikane DEA, të cilët kanë pasur informacion se në kamion gjendej sasia e madhe e kokainës.