Porti i Durrësit, në 8 muaj eksporti ra me 27%

Durrësi

Porti i Durrësit, në 8 muaj eksporti ra me 27%

Më: 19 shtator 2016 Në ora: 17:32
Porti i c

Në periudhën janar-gusht të këtij viti, në Portin e Durrësit u përpunuan 347 anije tregtare dhe 717 tragete, me një vëllim të përgjithshëm 2.25 mln tonë mallra.

Sipas burimeve zyrtare aeroportuale, tragetet transportuan gjatë kësaj periudhe 492,360 tonë mallra, ose 1% më shumë se e njëjta periudhë e vitit të kaluar.

Sasia e mallrave të përpunuara gjatë këtyre 8 muajve u llogarit në rreth 1.5 mln tonë mallra, ose 18% më shumë krahasuar me 8-mujorin e vitit 2015.

Sa i përket eksportit, të dhënat tregojnë për përpunim të 708,000 tonë mallra eksporti, me rënie rreth 27% .

Çimento dhe llamarinat mbeten mallrat kryesorë të eksportit, ndërsa në import dallohen qymyri koks, tubat e çelikut, prokatet, plehrat kimike, nitrati, skrapi, etj.

Në kalatën 6 u përpunuan 131 anije me 75.329 kontejnerë me mallra të ndryshme, ose 6.472 kontejnerë më shumë se në periudhën janar-gusht 2015.

Sot mund të lexoni Shfletoni kopertinat