Dieta me kumbulla të thata, si të humbisni 2-3 kilogramë brenda 1 jave

Dieta

Dieta me kumbulla të thata, si të humbisni 2-3 kilogramë brenda 1 jave

Më: 18 prill 2018 Në ora: 14:56
Ilustrim

Në qoftë se sapo keni marrë një ftesë për të marrë pjesë në një event të rëndësishëm ose mikja juaj më e ngushtë martohet pas 1 javë dhe fustani i preferuar nuk ju rri mirë, dieta e mëposhtme është ajo që ju duhet. E shpejtë, efektive dhe mbi të gjitha aspak e vështirë për t’u mbajtur, dieta 1 javore me kumbulla të thara është pikërisht ajo që ju duhet.

Është një dietë shumë e thjeshtë dhe rezultati është i dukshëm menjëherë. Sigurisht që asnjë dietë nuk premton mrekulli, prandaj nëse e kombinoni me aktivitet fizik dhe pirjen e 8 gotave ujë në ditë, do të rrëzoni shumë shpejt 2-3 kilogramë Brenda 7 ditëve. Kumbullat e thata janë një dhuratë e çmuar për organizmin; luftojnë kapsllëkun, parandalojnë infeksionet e ndryshe falë përbërësve me veti antibakteriale dhe antiinflamatore, mbrojnë trurin nga veprimi i radikaleve të lira, ndikojnë në parandalimin e sëmundjeve kronike sikurse janë sëmundjet kardiovaskulare, ndihmojnë në trajtimin e diabetit të tipit 2, ulin kolesterolin e keq në gjak etj. Mirëpo studimet e ndryshme kanë provuar se kumbullat e thata ndihmojnë gjithashtu në rënien nga pesha, kjo është edhe arsyeja përse duhet t'i përfshini në regjimin tuaj ushqimor. Dieta e mëposhtme këshillohet të ndiqet për një javë. Bëhet  fjalë për 1 menu të pandryshueshme,e dhe pse keni mundësi që ta kombinoni duke zgjedhur një ditë peshk e një ditë mish të bardhë pule.

Mëngjesi: 1 gotë me ujë të vakët dhe limon, 6 kumbulla të thata, 10 kokrra fruta të thata (nuk këshillohen kikikirikë dhe bajamet e kripura)
Vakti para drekës: 1 mollë jeshile dhe 6 kumbulla të thata
Dreka: 1 vezë e zier, 150 gr mish i bardhë pule ose peshk (gjithmonë i gatuar në avull), 50 gr djathë pa yndyrë dhe 3 kumbulla të thata 
Zemra (vakti i padites): 1 mollë jeshille dhe 3 kumbulla të thata 
Darka: 1 gotë kos, 1 mollë jeshile dhe 6 kumbulla të thata

Sot mund të lexoni Shfletoni kopertinat