Vajza, nëse dëshironi të humbni peshë dhe të keni trup në formë, bëni ushtrime me pesha

Dieta

Vajza, nëse dëshironi të humbni peshë dhe të keni trup në formë, bëni ushtrime me pesha

Më: 13 shtator 2017 Në ora: 16:19
Ilustrim

Ekziston një keqkuptim masiv mes zonjave se nëse bëjnë ushtrime me pesha, ato do të “zmadhohen” dhe do të mbushen me muskujt.

Fakti është se, ushtrimet e rezistencës janë një nga gjërat më të mira që vajzat mund ta bëjnë për të pasur një trup në formë, më të tonifikuar dhe, normalisht, shumë më të fortë.

Pra, nëse veç nuk keni ushtrime me pesha në planprogramin tuaj ushtrimor, atëherë futni menjëherë.

“Nëse jeni person i zënë dhe nuk keni shumë kohë, atëherë kombinimi i ngritjes së peshave me ushtrime kardio do t’jua sigurojë rezultatet më të mira në një periudhë shumë të shkurtër kohore”, thotë trajnerja Georgia Hardy-Hesson.

“Vetëm ushtrimet kardio nuk ndihmojnë në ndërtimin e masës së lehtë muskulore – dhe kjo është arsyeja se përse ngritjet e peshave të rënda janë të domosdoshme. Masa e rritur muskulore e përmirëson ritmin bazik metabolik, i cili rrjedhimisht e lejon trupin tuaj të djegë më shpejt kalori”, ka shtuar ajo.

Përveç këtyre, ngritja e peshave ju jep më shumë energji, siguron gjumë më të mirë, etj.

Trajnerja rekomandon të bëni ushtrime squat, pompa, ushtrime ‘lunges’, ngritje në hekur, dhe ushtrime ‘dips’. 

Sot mund të lexoni Shfletoni kopertinat