Gjigandi i medias sociale, Instagram, ka nisur të bllokojë ose të heqë përmbajtjen e disa prej llogarive të gangsterëve shqiptarë. Kështu raporton gazeta britanike Express.
Mediat angleze raportuan të shokuara javën e shkuar se gangsterët shqiptarë po ekspozonin në rrjetet sociale pasurinë që e kanë fituar në rrugë kriminale.
Një prej këtyre grupeve ishte Hellbanianz me qendër në Londër. Por një zëdhënëse e IG tha se ata nuk e lejojnë sjelljen e paligjshme dhe as kërcënimet e krimit të organizuar.
Ajo ka kërkuar edhe ndihmën e opinionit publik për të raportuar këto raste.
Gazeta shkruan se Hellbanianz sjellin në Angli drogën e Amerikës Latine. “Shumë gangsterë janë fëmijët e azilkërkuesve shqiptarë,” përfundon shkrimi.
