Policia italianë ka vënë në pranga një shtetas shqiptar dhe gruan e tij italiane, pasi u është gjetur kokainë dhe hashash. Mësohet se është arrestuar 49-vjeçari Indrit Kadrimi dhe bashkëshortja Barbara Longo, 45 vjeçe.
Gjatë kontrollit të ushtruar në lokalin e shqiptarit, policia ka gjetur dhe sekuestruar 40 gramë kokainë, hashash dhe një sasi parash. Policia ka thënë se droga është zbuluar pas një kontrolli rutinë në lokalin e çiftit.
Gjithashtu në ambientet e lokalit, policia ka gjetur edhe mjetet e nevojshme për ndarje dhe paketim të narkotikëve. Shqiptari është lënë në burg, ndërsa bashkëshortja e tij në arrest shtëpie.
