Me rastin e shënjtërimit të Nënë Terezës, ne realizuam disa intervista me komunitetin shqiptar të Nju Jorkut. Ish-korrespondenti i Zërit të Amerikës, Gjekë Gjonlekaj ka qenë në Nju Jork në vitin 1988, kur Nënë Tereza erdhi për vizitë në Shtetet e Bashkuara.
Ai ruan kujtime të veçanta nga një takim, në të cilin bamirësja e famshme foli shqip. Në një intervistë me kolegun tonë Ilir Ikonomi, ai ndaj përshtypjet e tij nga takimet me Nënë Terezën.