Kampioni dhe fituesi i Kupës së Kosovës, Drita nga Gjilani, po planifikon të përforcohet për edicionin e ri sidomos për garat e Champions Leagues në volejboll. Me 9 qershor në Romë do të tërhiqet shorti, ndërsa gjilanaset presin ta mësojnë kundërshtarin e rrethit të parë në Champions. Ende nuk dihet se a do të vazhdojë apo jo me Dritën volejbollistja më e mirë shqiptare, Arjola Prenga. Megjithatë, kryetrajneri i Dritës, Lorik Ilazi, shpreson se Arjola do të mbetet pjesë e klubit për sfidat e mëdha që e presin në Champions. Në intervistën për gazetën kombëtare “Bota sot” Ilazi shprehet optimist se do të ndërtojë një ekip të fuqishme për të lënë gjurmë në garat evropiane.