Në Danimarkë u mbajtën “Ditët e kulturës shqiptare”

Diaspora

Në Danimarkë u mbajtën “Ditët e kulturës shqiptare”

Më: 3 maj 2016 Në ora: 11:22

Gjatë vizitës në Skandinavi, ministri Murati mori pjesë edhe në manifestimin “Ditët e Kulturës Shqiptare” në Danimarkë, aktivitet ky i organizuar nga komuniteti shqiptar, ndërsa i mbështetur nga Ministria e Diasporës, Ambasada e Republikës së Shqipërisë dhe nga Këshilli bashkiak i Frederiksbergut.

“Ju përgëzoj për organizimin e këtyre aktiviteteve kulturore, sepse përmes tyre ju e promovoni dhe e ruani kulturën shqiptare në diasporë”, tha ndër të tjera ministri Murati në këtë manifestim.

Ambasadori i Republikës së Shqipërisë, z. Kastriot Robo, e falënderoi ministrin Murati dhe Ministrinë e Diasporës për mbështetjen që i po japin diasporës shqiptare në botë.

Në kuadër të “Ditëve të Kulturës Shqiptare” në Danimarkë u organizuan aktivitete të shumta kulturore, u shfaqën filma shqip, pati ekspozitë, u organizua panairi i veshjeve dhe i ushqimit tradicional etj.

Ministri Murati ishte i pranishëm në shfaqjen e filmit dokumentar për humanisten shqiptare Nëna Terezë, si dhe në promovimin e librit për Shqipërinë "Të lindur për të jetuar jetën", i autorit danez Bjarne Dinesen.

Sot mund të lexoni Shfletoni kopertinat