Artjoni si shumë shqiptarë tjerë, duke qenë azilant nga vendet me origjinë të sigurtë, ju desh të riatdhesohet në Shqipëri para tre muajsh. Mirëpo atij i trokiti fati në derë, duke ndodhur rishqyrtimi i aktit kjo falë edhe nga kualifikimi që dispononte për punë në rrjetin e njohur të hoteleve Radisson Blue, në Karlsruhe-Ettingen, shkruajnë disa media gjermane.
Menaxheri gjeneral Hagen Müller, duke e ditur se ky lloj shkollimi është deficitar në Gjermani, bëri kërkesat e nevojshme për rikthimin e djalit në Gjermani dhe pati sukses. Coca tani është kthyer në Gjermani, me dokumentacionin e rregullt.
«Përvoja ime më mëson se nuk të çon askund zemërimi me proceduren e vështirë që duhet ndjekur për integrimin e azilkërkuesve», shton Müller. «Rrugët e parapara me ligj çdoherë të çojnë drejt suksesit.»
Duke mos pritur as edhe një ditë Coca ka filluar menjëherë punën dhe kualifikimin./Bota sot