Një shtetas shqiptar në Angli është akuzuar për vrasjen e një vajze të re në një apartament në Islington, Londër.
Arben Rexha, 31 vjeç, pritet të paraqitet sot në Gjykatën e Magjistraturës Highbury nën akuzën e vrasjes së vajzës 25-vjeçare pranë City Road, të dielën (31 janar).
Gruaja, e cila është identifikuar zyrtarisht nga policia si Elidona Demiraj, u gjet me një plagë në fyt të shkaktuar nga thika dhe vdiq në vendin e ngjarjes.
Vajza e re, gjithashtu me kombësi shqiptare, kishte rreth dy muaj që jetonte në një bllok pallatesh në rrugën “Graham”. Nga hetimet e policisë, dyshohet se 31-vjeçari dhe vajza njiheshin me njëri-tjetrin.
