Organizuar nga Ministria e Diasporёs, nё Prishtinё, pёr herё tё pestё, u mbajt finalja e kuizit tё diturisё me moton “Ta njohim atdheun”.
Para se tё fillonte finalja e kuizit, nxёnёsit garues nga diaspora dhe tё pranishmit i pёrshёndeti ministri Murati. “Kuizi ‘Ta njohim atdheun’ po mbahet nё kohёn e fushatёs ‘Ti je pjesё e atdheut’ , fushatё kjo qё ka tё bёjё me regjistrimin e diasporës. Ministria e Diasporёs, nё kuadër tё pёrgjegjёsive , duke u nisur edhe nga ky kuiz, po bёn pёrpjekje qё kёta nxёnёs t’i mbajё afёr atdheut, sepse duke qenё mё afёr, ata kanё mundësi tё mos e harrojnë gjuhёn shqipe dhe tё kenё njohuri pёr atdheun.
Mendoj se diaspora, përveç potencialit financiar, mё tё çmueshëm e ka potencialin njerëzor, resurset njerëzore, tё cilat, pёrmes aktiviteteve, po bёjmё përpjekje t’i kanalizojmë dhe tё krijojmë ura bashkëpunimi mes nesh dhe bashkatdhetarёve tanё”, tha, përveç tё tjerash, nё fjalёn pёrshёndetёse ministri Murati.
Pas fjalёs sё ministrit, garuesit e grupeve tё nxёnёsve nga Zvicra, Suedia, Greqia, Austria dhe nga Sllovenia iu përgjigjёn pyetjeve nga lёndёt gjuhё e letërsi shqipe, kulturё, histori dhe gjeografi.
Nёpёrmjet këtij kuizi, ata treguan se, edhe pse jetojnë larg atdheut, nuk u mungojnë njohuritё pёr gjuhёn, kulturёn dhe historinë e popullit shqiptar. Dhe pёr kёtё meritorё janë mёsuesit shqiptarё tё mёsimit plotësues, tё cilёt me shumё vullnet dhe pa u lodhur punojnë me ta.
Finalja e kuizit u pёrshkua edhe me pika muzikore, tё interpretuara nga grupi i fёmijёve ”Xixёllonjat”. Po ashtu, me kёngё u prezantuan para tё pranishmёve edhe dy nxёnёse nga Austria, tё cilat me zёrin e tyre i mahnitёn tё pranishmit.
Pjesё e kësaj ngjarjeje kulturore ishte edhe grupi i baletit “Mjellmat”, i cili u paraqit me tri pika tё baletit.
Nё fund, pjesёmarrёsve tё kuizit “Ta njohim atdheun” iu dhanë nga njё libёr dhe revista “Ura”./BS/
