Të Hënën, organizata Vatra në Nju Jork do të zhvillojë një veprimtari të posaçme për të nderuar publicistin e shquar antikomunist Arshi Pipa, me rastin e 95-vjetorit të lindjes. Profesor Arshi Pipa u burgos nga regjimi komunist në vitin 1946, pastaj u arratis në Jugosllavi dhe në vitin 1959 erdhi në Shtetet e Bashkuara, ku kaloi afro katër dekada deri sa u nda nga jeta në vitin 1997. Për të folur mbi këtë personalitet të shumë talenteve, kolegu ynë Kastriot Haxhiaj bisedoi në studio me kryetarin e organizatës Vatra, Gjon Buçaj.
