Ai nuk ishte një supermen, nuk fluturon që ta kap në krah gruan që kishte vendosur të hidhej nga lartësia për ti dhënë fund jetës. Ai thjeshtë i del para ta sfidojë, rrezikon jetën e vet për ta shpëtuar një të panjohur, në gjendje kritike.
Shqiptari Ramadan Ziberi, i hap krahët e vëzhgon se ku do të hidhet, i del para dhe e pret në krah, pa dëmtimin më të vogël zviceriania shpëton.
Ngjarja ka ndodhur në qytetin e Baselit të Zvicrës. Ramadani, i cili kishte qenë në tarracën e një kafiterie, kur kishte vërejtur një femër në ballkon të një banese, e cila dukej në një krizë mendore, vrapon para ndërtesës, ballkonit të saj, dhe mundohet të bisedojë me atë grua, por ajo pa një pa dy hidhet nga ballkoni. Ramadani spontanisht i hap krahët dhe e pret në krah duke mos lejuar të përplaset në trotuar të shtruar me beton.
Ramadani rrëzohet në trotuar, bie në gjunjë, merr lëndime vetë, por shpëton një jetë, femrën e re zvicerane, duke u kthyer vetë në një hero të ri zviceran. Shqiptarët vazhdojnë të mposhtin ndjenjat e perëndimorëve me heroizmat e padëgjuar, në dobi të jetës!
