DETROIT MICHIGAN - Peter Malota apo shqip Pjetër Malota është një personazh që shqiptarët, dhe e gjithë bota aziatike dhe e Lindjes, e njeh shumë mirë në rolet që ai ka patur në të paktën 8 filma përkrah aktorit të njohur belg Jean Claude Van Damme! Ai, ndoshta, është shqiptari në Amerikë, më i intervistuari nga media shqiptare. Ndërsa, për gazetën “Bota sot”, ndoshta është hera e parë.
Ngaqë, ai kishte një fizik të fortë, dinamik dhe energjik, menjëherë i hyri arteve marciale, thotë në këtë interviste për gazetën “Bota sot” në Nju Jork, duke folur me gazetarin tonë Beqir Sina.
Peter Malota duke e stërvitur yllin e Hollivudit Zhan Klod Vandam
Ai, thotë se idoli i tij në karate ka qenë Bruce Lee, dhe se përmes kësaj përvoje ai sot, përveçse aktor është edhe mësues i arteve marciale. Gjithashtu, ai në këtë intervistë, flet përsëri sesi Malota emigrantë nga Europa - u njoh me belgianin Jean Claude Van Damme, me të cilin më pas interpretoi disa herë, në filma që ne shqiptarët, në fakt, i kemi parë dhe stërparë me dhjetëra herë.
Në fund ai thotë, se për të gjërat më të shtrenjta në jetë janë familja dhe atdheu i tij. Ndërsa, shton se kohët e fundit shkroi disa libra për artin marcial - Artin e sporteve bujare dhe aktualisht është mësues i famshëm, punon në studion e tij - "Malota's Martial Art Studio".
(Tekstin e plotë mund ta lexoni të premtën në publikimin e shtypur të gazetës kombëtare “Bota sot” në Kosovë dhe diasporë)
