New York - New Jersey: Popullsia e Qytetit të Nju Jorkut, e ka shënuar një rekord në rritjen e popullsisë prej 8.405.837 njerëz, sipas një vlerësimi të lëshuar të enjten nga Zyra e Regjistrimit të SHBA - "U.S. Census Bureau". Popullsia e njërit prej qyteteve më të mëdhenj në botë, New York City, deri në korrik të 2013, u rrit me 230.704 njerëz, ose përafërsisht 2.8 për qind , që nga viti 2010 .
Secila prej të pesë njësive bashkiake, qytet-lagjet kanë rritje të popullsisë, përfshirë edhe dy njësit Queens dhe Staten Island - që sipas raportimit mund të arrijnë në rezultate të reja të popullsisë. Një analizë e të dhënave nga Departamenti i Urbanistikës të Qytetit të Nju Jorkut treguan se ndryshimi më i madh ka ndodhur në qytetin e Brooklynit, (një qytet ky ku më së shumti jetojnë emigrantët përfshirë, shqiptarët, sidomos ata të ardhur dy dekadat e fundit), ku popullsia u rrit me 3.5 për qind, ose 87.400 njerëz, e ndjekur nga njësia Queens (edhe këtu ka një përqendrim të madh shqiptarësh) - (2.9 për qind, 65.500 njerëz); Manhattani (ka numrin më të vogël të shqiptarëve për shkak të shtrenjtësisë) - (2.5 për qind, 40.300 njerëz), Bronxi (bënë pjesë në qytetet më të populluara me shqiptarë)- (2.4 për qind, 33.600 persona); dhe Staten Island (edhe ky është një ishull i vogël i populluar nga shqiptarët) - (0.8 për qind, 3.900 persona).
(Tekstin e plotë mund ta lexoni të shtunën dhe të dielën në publikimin e shtypur të gazetës kombëtare “Bota sot” në Kosovë dhe diasporë)
