Në kërkim të lumturisë...

Gjinia mashkullore historikisht ka qenë e predisponuar, që të përballet më shumë me stresin se sa me momente relaksuese. Ekspertë të ndryshëm nga institute botërore të psikologjisë kanë apeluar tek meshkujt, që t’i evitojnë ditët e këqija dhe të koncentrohen më shumë në gjërat, që iu sjellin qetësi dhe gëzim.

Ja disa këshilla:

Trajtoje veten si fëmijë

Kujdesi, vëmendja, trajtimi që ju do të tregonit për një fëmijë të vogël, vlen edhe atëherë kur ju e praktikoni me veten tuaj. Kujdesu më shumë për vetveten.

Krijo momente gëzimi

Çfarë ju bënë ju të gëzuar varet nga ajo se kush jeni. A praktikoni ushtrimet fizike afërsisht gjysmë ore në ditë? Disa minuta të qetësisë absolute? Një mbrëmje me një grumbull shokësh? Krijo këto momente.

Largo stresin

Çfarë e shkakton një ditë stresuese tek ju? Kjo mund të ul humorin. Evito gjërat që të bëjnë të palumtur. Tako sa më pak njerëz të palumtur gjatë ditës apo javës.

Mbaj shënime

Emocionet pozitive shpërndajnë edhe ndjenjën e lumturisë. Optimizmi, shpresa, kureshtja dhe gatishmëria janë pjesë e një “koshi” me emocione. Çdo ditë ju mund të mbani shënime mbi gjërat për të cilat jeni i vetëdijshëm se ju sjellin momente pozitive.

Thjeshtësia

Në përgjithësi meshkujt janë shumë të zënë, duke u përpjekur, që të realizojnë shumë gjëra ne një kohë të pamjaftueshme. Realizo vetëm gjërat më parësore dhe thjeshtësoje ditën, që të kesh më shumë kohë të lirë.

Ji spontan

Shfrytëzo rastin që të shijosh çdo moment lumturie. Bëhu kureshtar për jetën. Bëhu realist dhe kënaqu me momentet e bukura, që të sjell jeta.

Duaje atë që bën

Zgjedh aktivitetet, që iu dhurojnë sensin e angazhimit dhe njëkohësisht kënaqësisë. Dhe fokusohu në këtë drejtim, që më vonë të mund të ndërtosh edhe të ardhmen tënde.

Praktiko lumturinë

Angazhohu në gjëra, të cilat iu krijojnë momente të bukura dhe të cilat nuk lejojnë që vëmendja juaj të përqendrohet në gjëra, që iu shkaktojë pakënaqësi. Lexo ndonjë libër të zhanrit humoristik apo kushtoi më shumë vëmendje kafshës shtëpiake që do më shumë.

Çfarë janë aftësitë tuaja?

Ji i vetëdijshëm për aftësitë dhe shkathtësitë tuaja. Provo të angazhohesh në aktivitete të ndryshme. Kur gjërat, që ju bëni kanë kuptim, atëherë do të gjeni lumturinë.

Koncentrohu thellë në të menduar, sikur jeni duke provuar të gjeni diçka brenda vetes që iu sjellë kënaqësi.

Buzëqesh

Duke praktikuar qeshjen edhe atëherë kur realisht nuk iu qeshet edhe aq shumë, do të iu ndihmojë që të largoni stresin dhe brengosjen. Buzëqeshja thonë është jetëgjatësi.

Kthehu | 07.02.2010