Gardianët protestojnë, judikatura përgatitet për protestë të re

Prishtinë, 8 shkurt - Edhe shërbimi korrektues (gardianët) kanë mbajtur sot protesta dy orëshe në disa qendra korrektuese, të cilët kanë kërkuar që të përmirësohen kushtet e punës së gardianëve dhe shërbyesve civilë të cilët punojnë në qendrat korrektuese, të paraburgimit dhe burgjeve në Kosovë. Para Qendrës Korrektuese në Lypjan që nga ora 08.00-10.00 ishin mbledhur rreth dyqind gardianë e zyrtarë tjerë të pakënaqur me kushtet e punës.

Nuhi Krasniqi, nënkryetar i Sindikatës së Shërbimit Korrektues të Kosovës, tha për gazetën “Bota sot” se nga ora 08.00-10.00 është mbajtur protesta ku kërkojnë kushte më të mira të punës. Ai tha se kërkesat e gardianëve tashmë janë të njohura dhe të cilat janë të arritshme. Kërkesat janë miratimi sa më i shpejt i Ligjit për Shërbimin Korrektues të Kosovës, ngritja e koeficientit për dy vlera, pagesa e ndërrimit të natës, rrezikshmëria të futet në kontratë dhe përmirësimi i kushteve të punës.

(Tekstin e plotë mund ta lexoni në numrin e nesërm të gazetës, “Bota sot”)

Kthehu | 08.02.2010