Ministri Beqiri priti historianin dhe autorin e librit “Çarshija e Madhe e Gjakovës”,Masar Rizvanolli

Prishtinë, 8 shkurt 2010 – Ministri i Kulturës, Rinisë dhe Sportit, Valton Beqiri, priti historianin dhe autorin e librit “Çarshija e Madhe e Gjakovës”,Masar Rizvanolli. Me këtë rast,Rizvanolli i dhuroi Ministrit Beqiri kopjen e librit të tij “Çarshija e Madhe e Gjakovës”. Ai e falenderoi Ministrin Beqiri për mbështetje materiale të MKRS-së për botimin e këtij libri me vlera të veçanta për ruajtjen dhe promovimin e trashëgimisë sonë kulturore. Ministri Valton Beqiri e falenderoi Masar Rizvanolli për punën e tij kërkimore dhe studimore në funksion të mbrojtjes dhe promovimit të trashëgimisë së pasur kulturore të qytetit të Gjakovës. Ai, gjithashtu, tha se MKRS, përmes botimit të librave të këtillë dhe formave të tjera të ngjajshme, do të vazhdojë t’i mbështesë nismat për promovimin e trashëgimisë kulturore, e cila ka qenë dhe mbetet një nga format më të mira të paraqitjes dhe të promovimit të identitetit kulturor të Kosovës nëpër botë.

Kthehu | 08.02.2010