Todorov: Mësimi i maqedonishtes synon integrim, jo përkeqësim të marrëdhënieve

Shkup, 8 shkurt - Ministri maqedonas i Arsimit Nikolla Todorov thotë se kurrsesi nuk dëshiron që si ministër të kontribuojë për përkeqësimin e marrëdhënieve ndëretnike në Maqedoni. "Posaçërisht këtë nuk dëshiroj ta arrij me këtë vendim, i cili në bazën e tij ka mësimin e gjuhës, si një prej shkallëve kyçe që duhet të kalohen për tejkalim të barrierave. Barriera gjuhësore është një prej barrierave më të mëdha në komunikim dhe mendoj se kjo është një mënyrë për integrim më të mirë dhe më të lehtë të shoqërisë", ka thënë Todorov në një intervistë për Radion Evropa e Lirë më gjuhën maqedonase, lidhur me vendimin e mësimit të gjuhës maqedonase për përkatësinë shqiptare nga klasa e parë. Ai ka theksuar se për këtë çështje ka ekzistuar dialog, është debatuar edhe në seancë qeveritare, ku është miratuar konkluzioni që të fillohet me mësimin e gjuhës maqedonase që nga klasa e parë, ndërsa këtë vit kjo të zbatohet në gjysmëvjetorin e dytë. Todorov nuk mendon se ka tensione në marrëdhëniet me BDI në, edhe pse, siç thotë, ndonjëherë kanë qëndrime të ndryshme rreth modalitetit të zbatimit të vendimeve. Ai vlerëson se nuk qëdnrojnë argumentet e kundërshtarëve të këtij vendimi se nxënësit do të jenë të stëngarkuar për shkak të moshës, se vendimi nuk ka bazë juridike dhe se profesorët nuk kanë kualifikime të mjaftueshme të ligjërojnë gjuhën maqedonase.

Kthehu | 08.02.2010