Trajneri i Anglisë, Gareth Southgate, ka thënë se skuadra e tij e ka merituar fitoren kundër Tunizisë.
Anglia arriti një fitore të rëndësishme në ndeshjen e parë të Kupës së Botës duke e mundur me shumë vështirësi Tunizinë, me rezultat 2:1.
Të dy golat për Anglinë i shënoi Harry Kane, madje të dytin dhe të fitores në minutat e fundit të ndeshjes.
“Mënyra se si vazhdonim të luanim edhe pse koha po kalonte shpejtë, duke pritur për mundësi të mira tregon se ne e merituam fitoren”, ka deklaruar Southgate pas ndeshjes.
Anglia ndeshjen tjetër në grupin G e zhvillon kundër Panamas.
