Pretendimet e Shteteve të Bashkuara për sulmin e dyshuar kimik në Siri, nuk mund të shërbejnë si një justifikim për sulmet amerikane në këtë vend, tha zëdhënësi i Kremlinit, Dmitri Peskov.
"Ne jemi të sigurt se akuzat për armët kimike, që dyshohet se u përdoren në Duma të Sirisë, nuk janë të mundshme dhe nuk mund të justifikojnë përdorimin e forcës", tha Peskov.
Reagimet e Moskës kanë ardhur, pas raportimeve se SHBA është në fazën përgatitore për të filluar sulmet ajrore ndaj caqeve të ushtrisë siriane, pas sulmit me armë kimike në qytetin sirian, Duma.
