Trump thotë se takimi me Kimin është në “bërje e sipër”, përkundër shqetësimeve

Bota

Trump thotë se takimi me Kimin është në “bërje e sipër”, përkundër shqetësimeve

Më: 10 mars 2018 Në ora: 10:40
Donald Trump dhe Kim Jong

Presidenti i Shteteve të Bashkuara të Amerikës, Donald Trump, ka shkruar në Twitter se një marrëveshje me Korenë Veriore është shumë afër të arrihet, një ditë pasi u zbulua një pajtim për t’u takuar me liderin koreano-verior, Kim Jong-u.

Koreja Veriore në anën tjetër ende nuk ka lëshuar një deklaratë.

Më herët, Shtëpia e Bardhë ka njoftuar se takimi nuk do të bëhet nëse Pyongyang nuk ndërmerr paraprakisht disa veprime konkrete.

Mediat në SHBA kanë njoftuar se Trump ka vendosur ta takojë Kimin pa u konsultuar fare me njerëzit e administratës së tij.

Sekretari i Shtetit Amerikan, Rex Tillerson, ishte në udhëtimin e tij të parë në Afrikë kur njoftimi për takimin u dha.

“Këtë vendim presidenti e ka marrë vet”, ka thënë Tillerson, në një konferencë për media në Djibouti.

“Kam biseduar shumë herët në mëngjes me të për vendimin dhe kemi pasur një bashkëbisedim shumë të mirë”.

Sot mund të lexoni Shfletoni kopertinat