Në Kiev protestohet kundër presidentit Poroshenko

Bota

Në Kiev protestohet kundër presidentit Poroshenko

Më: 18 shkurt 2018 Në ora: 19:36
Pamje nga protestat e sotme kundër presidentit ukrainas, Petro Poroshenko në Kiev

Mijëra protestues janë mbledhur në kryeqytetin e Ukrainës, Kiev, duke kërkuar largimin e presidentit Petro Poroshenko nga detyra.

Marshi i sotëm është thirrur nga ish-presidenti gjeorgjian, Mikheil Saakashvili, i cili është dëbuar nga Ukraina më 12 shkurt.

Saakashavili ka kërkuar largimin e Poroshenkos në kuadër të fushatës së tij kundër korrupsionit.

Zyrtarët kanë vlerësuar se 2,500 persona kanë marrë pjesë në protestat në Kiev, derisa 3,000 forca policore kanë qenë në detyrë.

Agjencia e lajmeve, AFP, ka vlerësuar se pjesë e protesës kanë qenë 10,000 persona.

Protesta ka pasur edhe në qytete të tjera në perëndim dhe qendër të Ukrainës.

Poroshenko pati ftuar Saakashvilin për të shërbyer si guverantor i rajonit Odesa më 2015, mirëpo ky i fundit ishte dorëhequr, duke bërë ankesa për korrupsion masiv nën udhëheqjen e Poroshenkos.

commentFirst article
Sot mund të lexoni Shfletoni kopertinat